送粥配飯 ~~~

早一個星期喺韓國超市買咗 D 雞髀菇，

唔想 o徙咗呢 D 喺呢豎好難先買到嘅食材，

再加上自己突然好想食炒粒粒，

喺雪櫃再摷到 D 菜葡同彩椒，

用 D 少辣 XO 醬炒埋一碟就掂晒！

 

送粥配飯都咁好食！

  

咁就成為我兩三餐嘅主菜嘞！

 

出盡法寶~ ~ ~

細豬小姐學校呢個星期係 Rag Week，

即係玩嘢週，

每日都有唔同嘅主題，

扮唔同嘅造型返學，

但係都要上正常嘅課堂。

 

只係 Lunch 時間有嘢玩，

兼且做埋籌款俾慈善團體添，

都好有意義嘅！

  

確係要薪火相傳咁做落去！

 

細豬小姐都好積極參與！

 

3 / 10 佢就參加咗一個要出倫敦嘅慈善籌款比賽，

咁我就做定 D 肉鬆餐肉包畀佢做午餐，

當係支持佢啦！

 

細豬小姐出盡法寶都籌到六十幾英鎊喎！

 

都算幾好成績喇！

  

心有靈犀??

近排英國呢邊 D 感冒菌都好勁，

細豬小姐都喺學校中咗招！

 

佢除咗每日都食中藥之外，

我梗要煲個蘋果無花果湯過佢飲嘞！

 

我仲加咗 D 紅菜頭, 粟米, 紅蘿蔔一齊煲 o添！

 

然後簡單 D 整多個魚香肉碎茄子嚟做餸啦！

點知大豬小姐都喺利物浦都係煮肉碎茄子喎！

莫非真係心有靈犀咩？

 

籌謀? 改善?

29 - 9 - 2013 ( 星期六 )

朝早同細豬小姐如常咁返中文學校做義工。

 

眼見學校越嚟越多學生，

但係肯做義工嘅家長就無乜，

依然只得我哋呢班舊人！

   

再過多一年有部份嘅學生完成咗 GCSE，

佢哋嘅家長就未必會再返嚟做義工，

到時都唔知點算？

 

其實好大部份嘅家長帶咗 D 仔女返到學校都係坐埋一堆喺度傾計，

點解唔出一分力做義工呢，

為自己嘅下一代籌謀吓呢？

 

齋坐又可以改善到學校咩？

 

發完噏風，

晏晝去咗 Tesco 食午餐。

無乜好嘢食得嚟揀 ~ ~ ~

唯有食腸仔薯蓉，

薯蓉就啱晒細豬小姐，

我就麻麻地喇 ~ ~ ~

>.<

DIY「醬油麴」

暑假期間好友幫我買咗包米麴，

早日終於整咗喇！

 

去韓國超市買咗枝低鈉嘅豉油返嚟整；

舂碎 D 米麴，

再加入豉油，

一包米麴總共做咗兩樽。

  

記得要每日開蓋攪一攪，

讓分離咗嘅米麴同豉油混在一起！

 

***視天氣冷暖，7 ﹣  10 天，存放於最暖的地方，室溫發酵完成後，米麴會像粥一般，帶甜沒酸味，之後放雪櫃儲存。***

諗計仔 ~~~

朋友屋企後花園有棵栗子樹，

佢好有心；

仲好有耐性咁去除 D 外殼，

揀選咗 D 無蟲蛀嘅栗子先攞畀我哋，

真係抵錫 !

拎咗返屋企，

嘗試先用糖煮一陣再放入焗爐焗嚟食，

點知有人好懶惰，

唔想要搣殼先有得食，

咁就唯有再諗計仔去煮餐栗子嚟食 !

見雪櫃有 D 豬軟骨，

咁就炆咗一煲栗子炆豬軟骨 !

雖然 D 栗子外殼同衣都好難搣，

但係炆起嚟都好甜同易腍，

炆一陣就散晒，

好似食栗子蓉咁 !

加埋 D 西蘭花一齊食就唔停得口嘞 !

比較懶散

30 - 9 - 2013 ( 星期一 )

天陰陰咗一整日，

攪到個人都比較懶散，

唔多想做家務！

: / 

  

懶筋乍現，

個頭都有 D 痛！

~ X(

勉強朝早出咗去銀行攪 D 私務，

順道買個早餐當午餐食，

再買多個畀細豬小姐做茶點就返歸！

:-*

晚飯就求其炒個送嚟食就算，

難為有人都要照單全收！

XD