轉吓口味 !

逢星期五細囡豬都要帶午餐返學校食，

好多時我會做麵包俾佢嘅，

不過，

今日就整咗 Wrap 俾佢轉吓口味 !

 屋企有 D 叉燒剩，

再加 D 彩椒嚟包，

既健康又好味 !

一大塊 Wrap 可以包到兩份，

佢要三份；

咁留一份畀我自己做早餐啦 !

我嗰份就唔要太多料，

加杯義大利咖啡就啱啱好，

唔會太飽 !

今朝起身發覺隻無名指好痕，

兼且無啦啦腫咗 !

本來唔打算除隻介指就咁搽止痕藥膏，

點知搽咗止痕藥膏過咗一陣依然係咁痕 ~ ~ ~

無奈隻手指仲腫得更勁，

如果唔除介指就怕後果就更加嚴重 !

用盡方法；

好艱鉅先除甩隻介指，

再搽多次止痕藥膏，

過咗成個鐘之後，

雖然唔痕不過就依然腫 !

冬天應該係無蚊吖，

莫非真係無名腫毒生瘡仔 ??!

大蘑菇茄子鹹魚醬煮肉碎

喺我呢豎食材唔多，

有時真係唔知買乜嘢餸嚟煮好，

又怕畀人投訴話食嚟食去都係嗰啲嘢，

( 雖然都未有收過投訴 ! )

但係都怕自己食到悶嘅 !

唯有轉吓囉 !

見大蘑菇同茄子都應該做到好朋友嘅，

就試吓加 D 手剁豬肉碎嚟整，

當然唔少得用埋鹹魚醬一齊嚟煮啦 !

估唔到又確係幾好食喎 !

咁就啱晒喜歡撈汁嘅細囡豬啦 !

換對新嘅 !

細豬小姐九月尾生日嗰時同表姐 Shopping 喺 Clarks 買咗一對短靴，

佢好鍾意呢個款，

點知啱尺碼嘅又係最後一對 !

唔知佢當時係咪太開心，

所以就無睇清楚對靴有無問題就買咗嘞 !

點知到佢上個月攞嚟著先發現對靴有一邊爆咗線 !

打電話問表姐男友 Steve  (佢係 Clarks 嘅高層)，

收據又唔知點解會喺佢度？

佢又話飯聚嗰陣帶畀佢睇吓，

當時仲以為佢幫手攞返去換對新嘅 !

點知佢都係話叫我哋自己拎去分店換 !

擾攘多時；

終於上個月尾細豬小姐攞咗去屋企嘅分店換，

原來呢間分店又無賣呢款短靴喎 !

不過店員二話不說就打電話去貨倉查詢，

最終新靴由貨倉直接寄嚟 !

唔使三日就收到新貨喇 ~ ~ ~

細豬小姐終於有新靴著嘞 !

兩個胃??

( 1 - 12 - 2013 ) 星期日

朝早同細囡豬補完習無咩地方想去，

咁我哋兩個就去咗 Fleet 飲茶 !

差唔多一點鐘先去到 "水天" ，

又無車位；

唯有泊遠 D 啦 !

唔好畀 D 相誤導呀 !

第一轉其實只係 Order 咗 6 碟點心咋 !

呢度有即拉嘅腸粉，

仲有細囡豬嘅至愛 " 炸兩 " ;

真係好滑㗎 !

芋角就油膩咗 D，

而且有人又話太飽，

食唔落 " 芋角 "  !

點知有人要叫甜品嚟食 ~ ~ ~

有人竟然就食得落兩個蛋撻仔喎 !

唔通佢真係有兩個胃嘅？

長期做減價

上星期六放咗中文學校就返咗屋企附近揾嘢食 !

天寒地凍，

唔想行太遠，

去 Crab & Dragon 食個 Lunch 就算 !

細豬小姐話呢個雞胸肉唔係太乾喎 !

我就鍾意食呢個辣牛肉，

但係就一啲都唔辣 ~ ~ ~

細豬小姐就係鍾意咁樣攪碟嘢嚟食嘞 !

臨近十二月都唔係太多人喺商場買禮物，

唔知 D 人係咪留番最後個幾日先嚟衝刺呢？

我哋就喺暑假嗰時已經喺香港買定聖誕禮物嚕 !

只係要幫我二家姐買呢隻魚油丸就要揾多幾間喇 !

事關呢隻魚油丸長期做減價，

而又唔係有太多貨 !