都清晒

原來呢豎嘅寄宿學校係無乜茄子食㗎 !

咁就煮餐茄子畀朋友囡囡食吓啦 !

今次切粗條嚟整 ' 魚香茄子 ' ，

再炸 D 黃金蒜擺面嚟食 !

墊 D 西蘭花喺底又變咗兩碟餸嘞 !

朋友囡囡仲幫我兩碟都清晒 o添啵 !

焗燒珠雞

好耐無焗過燒雞，

朋友推薦 Tesco 有 ' 珠雞 ' 賣，

會好有雞味喎 !

價錢亦唔係太貴，

姑且試買一隻嚟食吓 !

' 珠雞 ' 一般都唔會太大隻，

我用咗紹興酒同吊燒醬嚟醃咗一晚，

用 180'C 焗咗 30 分鐘，

隻雞僅僅熟；

D 雞肉好有雞味，

一 D 都唔 ' 鞋 ' ，

真係物超所值 !

食咗碟雜菜 + 脾翼雙飛就夠晒飽 !

連細豬小姐都話以後有靚雞食喇 !

老地方

17 - 11 -2013 ( 星期日)

又輪到同大表哥慶祝生日，

原先想去個間韓式料理餐廳竟然開五點，

咁就惟有轉番去老地方食啦 !

食物係其次，

我哋每個最想見嘅係 Millie ,

佢幫手拆生日禮物就最開心 !

好似得獎咁興奮 !

盡地主之誼

喺 Half term break 嗰陣，

朋友個囡囡嚟咗我屋企借住兩星期，

雖然期間係有 D 唔方便，

但係我都煮咗好多家庭菜佢食，

因為佢話佢宿舍嘅伙食好差喎 !

食到佢好滿足 !

細豬小姐都盡地主之誼，

整咗 D  "心太軟" 畀佢品嚐 ~ ~ ~

估唔到佢竟然話係第一次食呢款甜品，

佢仲話超愛呢款 "心太軟" o添啵 !

佢仲一連食咗兩晚；

佢臨上火車返宿舍仲話想遲 D 再嚟黐餐喎 !

大出血 !

英國嘅冬天已經嚟咗嘞 !

陰陰凍，

真係有 D 討厭 ~ ~ ~

細豬小姐話幾年無買過冬天衫，

所以星期日 ( 10 / 11 ) 就先去食個靚午餐，

再去大出血 !

Crab & Dragon 又加咗價 !

行咗幾間，

細豬小姐都睇唔啱 D 衫，

最後都係喺 TK Maxx 揾到 ;

幾乎攪到間舖打烊，

先勉強買到咋 !

人在異鄉

講開人在異鄉，

總會經常掛住香港嘅美食，

尤其係英國有 D 嘢係真係好難買到，

就算有得買都係超貴，

所以好多時都會自己動手整嚟食 !

食材其實又唔係太貴嘅，

只係可能製作麻煩 D D !

就好似 ' 肉絲炒麵 ' 咁啦，

竟然有好多餐館同外賣店都無得賣 !

所以我間中都會自己整嚟食吓囉 !

更何況我哋一家都愛食依個麵呢 !

何樂而不為 ?

人在異鄉，

越難食唔到嘅嘢食就越思念，

真係難攪 !

所以好多時去開唐人超市就要買定 D 貨擺喺冰宮 !

煎腸粉就係其他一樣間中慼起條筋想食嘅小吃嘞 !

加 D 自製豉油就無得頂嘞 !

再喺冰宮摷多包韓式餃子煎嚟做午飯 ,

怕且細豬小姐都想食 o卦？

唔多使好多功夫就有一餐中式午餐，

佢又何樂而不為呢？