2011 年 5 月 30 日 (星期一)
琴晚已經問定 Glasgow 附近有冇港式茶餐廳嘞!
今日因為約咗一點鐘要去參觀 " 愛丁堡大學 "
而亦要揸一個多鐘車先去到,
為免擔誤行程;
所以要在十一點前起程嘞!
由於人地生疏;
個衛星導航又帶到亂晒籠!
阿 SIR 揾路都揾得好辛苦;
十二分鐘車程變咗二十幾分鐘;
激C人!
成十點幾先去到 " 有口福 " !
(因為呢度十點鐘先開鋪!)
拿拿臨 Order 期待已久嘅早餐!
終於食到久違嘅港式早餐嘞!
佢哋三父女每人一份沙嗲牛肉公仔麵,
我嘅午餐肉煎蛋公仔麵!
四份連飲品嘅早餐都只係十六鎊,
抵食過麥當勞!
两個豬小姐仲連續两日都食沙嗲牛肉公仔麵添,
細豬小姐都癮唔住破戒!
不過,
佢只係食沙嗲汁嘅公仔麵;
連一件牛肉都冇掂!
正一 " 唔食狗肉;食狗汁! "
超攪笑!
端午節快樂啊!!
原來細小姐都唔食牛肉,但系食汁汁喎!
原來細豬小姐唔食牛架?紅肉我只係鍾意食牛肉咋!我都超鍾意食沙嗲牛肉出前一丁麵架!