13 - 7 - 2012 ( 星期五 ) - Day 3 - Part II
* * * * *
去完淡水，
返酒店擺抵 D 雜物同手信之後，
稍事休息；
我哋又再出發去揾食喇！
唔知係咪休息唔多夠，
開始有 D 頭痛，
但係唔想食藥，
熱 C 辣辣喺條街度搵番呢間 " 乾杯 " 出嚟！
可惜對方喺電話度講得唔清楚，
只係講話佢哋喺 Sogo 格離，
又無講係邊一間 Sogo，
原來嗰區有兩間 Sogo！
佢哋嗰間喺近住太平洋 Sogo ！
更何況我哋唔係當地人嘛！
可憐我哋喺條街度兜咗成個鐘頭呢！
去到過咗廿分鐘；
佢哋 將枱都已經畀咗其他人嘞！
係依個時候我個頭就痛到想爆咁！
嗱嗱臨問我妹妹拎咗兩粒頭痛藥嚟食，
但係個軀體就無乜力，
口好乾，
飲極水都唔夠，
我已經估到自己應該係中咗暑嘞！
（其實半路中途，
我已經覺得有D 唔妥嘞！
然後已經飲咗好多水嘞！）
跟住就話畀我家姐知 ~ ~ ~ 我好唔舒服，
說時遲；
那時快，
佢哋即刻安排我咗坐低，
然後我就乜都唔知，
無晒知覺嘞！
過咗個幾鐘之後，
我就慢慢醒番！
只見到我朋友同大豬小姐揸住把扇同我降溫！
原本佢哋話想送我返酒店休息，
但係我有講過話千祈唔好返去喎！
因為我唔想掃大家興喎！
咁好彩我唞夠之後就好番好多，
再等多半個鐘就有位食嘢嘞！
嘢食又唔多款；
朋友 唔夠飽，
要叫碗飯嚟食先頂到肚！
好可惜依間 D 食物真係言過其實！
似乎乾杯唔落囉～～～
環境太過噪雜，
食物又好一般！
價錢仲唔平添！
咁都算係見識過囉！
咁都算係見識過囉！
P.S. 好彩阿 Sir 依晚先到，否則佢一定送我去當地醫院！
佢地的店鋪好多分店，我上次去食燒肉都係去左食火鍋果間，
差d有得睇無得食！
你中暑咁大件事>>>危險起上嚟死得人架>>>估唔到你咁大個人仲曳過我喎>>>阿Sir既係專業人士>>>佢係度唔送你去醫院就真係怪呀>>>你估阿Sir係電腦高手之人就無這方面既常識咩>>>你都知道唔啱啦>>>好在無事咋>>>唔係有咩事起上嚟>>>你身邊既人一定會怪自己一世架>>>大吉利事下次再有類似既事>>>唔該你要聽話啦！