星期四晚又落雪，
雖然今次只係落咗幾個鐘，
但係都有多過一吋厚嘅雪，
我唔知幾點開始落雪，
我估大約十一點幾就停咗嘞！
星期五朝早清咗車上嘅雪先可載兩個豬小姐返學，
沿途都見到馬路面嘅雪都唔係溶得好多，
事關今朝都只係得 - 2 C！
仲搞到條路好污穢！
由於要行一條大斜路先可以返到屋企，
初初上斜係無問題，
但架車行到三份一開始喺雪面飄移；
點知行到一半架車就開始無力同冼呔，
畀極油架車都唔郁，
只覺得四條呔係狂轉同聞到（火羅）味！
我個心就開始驚嘞，
個心狂跳！
後面又有三架車跟住我，
當我唔畀油架車又溜後，
畀油架車只係打空轉！
真係好驚～～～
個人有啲亂，
點算好呢？
定一定神，
唯有先按著死火燈，
見後面架車好彩同我架車都有一段距離，
咁我試轉後波，
打算將架車倒後，
但又怕後面架車都好似我咁出咗事或者死火 ～～～
咪好易冼撞落去後面啲車度，
咁咪仲大劑！
咁唯有夾硬駛過對面線，
(真係好彩無對頭車咋！)
因為對面馬路路面係無雪！
真係 好感恩～～～
再嘗試畀油上斜，
嗰一刻架車好彩終於可以向前行得番咋！
真係好好好感恩～～～
即刻祈禱～～～
唉 ～～～ 逃過一劫，
返到屋企仲聞到身上仍然有死氣油嘅味，
回想頭先真係真係非常驚心動魄！
現在是否已沒有雪了...
又會咁橋, 過年前我亦發生d意外, 已經篇咗2個星期後出, 篇blog文叫又避一刼, 又擋一災.
幸好你當日：臨危不亂，有驚無險！
阿豆對上一架車係SPORTY CAR，一到冬天就買定幾個大沙包放車尾， 因為部車輕，會飄。