安裝咗 ~~~

大豬小姐上星期六晏晝已經返咗嚟，

今次可以留三個星期！

咁就梗係要整多 D 好嘢佢食喇！

正當我今朝喺廚房忙到一頭煙嗰陣，

安裝水錶班工人嚟㩒門鐘！

仲話我知上次揾到嗰個唔係我屋企個水喉總制，

只係街喉咋！

不過佢會同上頭講番，

只見佢哋圍起晒路障，

再揾咗一陣就話揾到，

仲見佢哋出動掘路機嚟整！

無理佢哋咁多，

我繼續喺廚房忙我嘅嘢！

隔咗一陣就叫我長開住個凍水水喉，

唔夠五分鐘又叫閂咗個水喉，

再過多幾分鐘就話我知安裝咗個獨立水錶嘞！

唔使四十五分鐘就攪掂晒嘞！

估唔到做得咁快手喎！

讚！

7 - 4 - 2014