老懷安慰 !

21-5-2014

又大一歲嚕 !

年紀大咗就好想屋企人陪我過生日 !

好彩今年阿 Sir 同細囡豬喺呢豎陪我 !

今年好想整個黑朱古力慕絲蛋糕畀自己，

所以 o尋日一早就動手做喇 !

有阿 Sir 幫手就快好多 !

因為趕起個蛋糕就要去醫院做針炙 !

今朝剛啱細囡豬可以返晏 D，

畀佢負責設計個蛋糕嘅裝飾 !

合我哋三人之力就整咗個咁紅嘅生日蛋糕；

真係好滿意 !

插支綠色蠟燭就襯晒 !

以為大豬小姐要忙住考試唔得閒理我，

點知喺未切蛋糕前就收到佢嘅留言；

喺嗰一刻就覺得更加老懷安慰 !