阿 Sir 每次返嚟都會同佢 D 外甥聚頭食飯，
上星期二 Lily 表姐兩公婆就揀咗嚟我哋屋企開餐 !
咁就六餸一湯；
白飯任裝喇 !
預早一日炆咗牛尾先，
喺冰櫃摷到一包大冬菰，
知道佢兩個都極愛食冬菰，
再搵到豬面青，
啱晒加埋 D 鮑汁嚟炆 !
情商阿 Sir 出手整焗燒肉，
果真係青出於藍喎 !
冰櫃仲有一包冰豆腐，
加咗 D 漁香醬嚟素煮都好受歡迎喎 !
用咗 D 韓國 Miso 醬嚟醃條鱸魚，
然後放入焗 10 分鐘就有得食 !
將炆牛尾剩落嘅西芹加 D 肉丁嚟炒腰果，
咁就唔使 o徙嘢夠晒環保喇 !
雪耳蘋果無花果南北杏湯就唔少得嘞 !
開開心心喺屋企食就好過出街食 D 老外中餐喇 !
好豐富的大餐。阿sir嘅燒肉果然出得廳堂喎
回覆刪除每次返嚟都整燒肉，所以全無失手！
刪除那份燒肉真的無得頂！
回覆刪除下次唔使整咁大碟燒肉！
刪除唔止燒肉靓, 斬工仲好掂添！
回覆刪除都算唔錯！
刪除嘩~~樣樣都好好味咁，睇到肚餓添……
回覆刪除我就最喜歡食鮑汁豬面青炆冬菰！
刪除我都選擇妳煮嘅晚餐啦, yumm
回覆刪除因為佢哋平時無呢 D 自家煮嘅中餐食！
刪除咁大碟燒肉，正。
回覆刪除太大碟，五個人食唔晒！
刪除我都覺得在家食仲好。
回覆刪除我都鍾意喺屋企食！
刪除阿sir碟燒肉好得呀! 仲要大大碟, 讚呀!
回覆刪除五個人食六碟餸，超多！
刪除燒肉真係夠師傅........讚呀！
回覆刪除我都覺得阿 Sir 越整越專業！
刪除嘩！好厲害呢！可以煮咁多味
回覆刪除啊Sir燒肉好掂喎！
我分咗兩日嚟整餸，阿 Sir 都出手就食得更加開心！
刪除煮咁多味菜,咪有排企.真係要分兩日
回覆刪除在家做燒肉好多功夫呢!
不過,家人食得開心辛苦d都冇所謂啦!
見笑！
刪除我只係預早一日炆咗牛尾，阿 Sir 醃咗燒肉，唔多功夫！其他嘢都係即日煮！