額外保養

呢部係阿 Sir 2011 年送畀我嘅生日禮物，

當日我哋仲加咗 60 鎊去買咗 5 年額外保養 !

2012 年二月換過一次，

當時客戶服務員二話不說就畀我免費換咗部同款嘅新機 Tim !

上星期六 ( 26 / 4 ) 呢部機又有 D 唔妥，

咁我同細囡豬咪又抬去 Currys ，

睇吓可以點攪囉 !

第一個員工就話雖然仲有保養，

但係就只可以維修，

無得再換過部新機，

亦唔知要整幾耐喎 !

我咪話要搵經理嚟問個明白先得，

事關當日 ( 5'2011 ) 佢哋話如果部機有乜問題，

可以任何時間嚟換過新機都得 !

難道真係想冧客人做成單生意就乜都應承？

唉 ～～～ 我費事同佢哋糾纏落去，

我只係話佢哋知... ...

每個星期我都要用呢部機嚟整麵包畀細囡豬帶返學校食，

所以係好趕急要番部機㗎 !

佢地想點處理就點喇 !

3:30pm 返到屋企，

諗住攤唞吓就返兼職 !

5:00pm 就收到 Currys 電話，

仲話體諒我哋係急用，

部舊機唔使攞去維修嘞 !

可以畀番 Voucher 我哋，

等我哋換購另一部新機嚟用喎 !

唉 ～～～ 點解頭先唔咁做呢個決定呢？

又要我哋第二日再去多一次，

莫非真係知我平時太得閒？