2011年9月10日上午7:00公開累積瀏覽 256
喺 Waitrose (超市)見到啲露筍苗好抵食,
每包只賣 99p!
即刻掃咗三包!
又見到啲啡蘑菇都只係賣一鎊銀,
又買咗兩包返歸!
鮑汁露筍蘑菇炒雞柳
材料 :
雞脾肉(切絲) 露筍(一開二) 蘑菇(切片)調味料 :
鮑魚汁兩湯匙 水 1/4 杯 生粉 1 茶匙 麻油 適量做法 :
雞柳用糖、生抽、生粉、胡椒粉、雞粉同酒略醃。
將露筍氽水,瀝乾水份備用。
燒紅鑊,下少許油,將雞柳略炒,
加入蘑菇片兜炒片刻,將露筍回鑊,
再加入調味料兜炒片刻,
最後加適量麻油略兜即成。