Double Iron Legs ~~~ 家在英國 , 但仍很關心香港!
星期六, 9月 28, 2013
揾藉口 ~~~
其實我好怕做嘢做到一半就放低唔做,
唔知點解好心掛掛嘅!
:((
只可惜唔可以一次過搬晒 D 舊 Blog,
攪到連晚飯都無心機煮!
-q :
真係覺得自己好懶惰,
求其揾 D 藉口唔整好嘢畀細囡豬食!
阿囡挨住
"排骨菜飯"
先啦!
~X(
星期五, 9月 27, 2013
衰虎想點啫?
依家每日都乖乖坐喺部電腦前面搬 Blog !
( 其實都係被迫多 D !)
點知今朝見到有網友話
衰虎
竟然又話
weshare.hk
成為佢哋嘅
指定合作平台
!
究竟呢個
衰虎
想點啫?
點解唔係喺
九月初
決定摺埋嗰陣唔話畀我哋知有呢個平台呀?
等我哋攪咗一大餐之後,
甚至係攪到一頭煙嘅時候,
佢先嚟宣佈呢?
真係有 D 被出賣嘅感覺!
我諗深一層,
衰虎
三朝兩日就攪 D 麻煩嘢出嚟,
真係好大陰影!
都係要諗真 D 先得!
唔係又再中伏㗎喇!
: ((
*** 多謝網友
Cici 小廚房
提供資料!***
星期四, 9月 26, 2013
去搬 Blog 喇!
返咗嚟英國知道要
'的起心肝'
去搬 Blog 喇!
點知搬咗三個月 Blog 先知 D 相係要
取消連結
,
否則第日 Yahoo Blog 摺咗就連 D 相都會無埋!
所以又要再重新再整過 D 相!
~ ~ ~ ~ ~
多謝各方好友提醒,
咁我先可以知道咁多
竅門
去搬 Blog 咋!
希望可以順順利利快 D 搬完啦!
~ ~ ~ ~ ~
唔想搬到無飯開,
煮定一煲
'咖喱雞
'嚟食就最好不過嘞!
又係懶媽嘅行為!
唔好學呀!
( ~ 0 ~ )
星期三, 9月 25, 2013
靚靚蛋包飯
返到英國忙 D 咩真係唔多知 ?
只係知道間屋好似唔大掃除唔得咁 !
廚房廁所都唔洗刷乾淨唔得 !
總之,
每樣嘢摸上手都好似邋邋遢遢咁!
大豬小姐返嚟英國第二日就滾水淥腳咁閃咗;
細囡豬又有佢要忙嘅嘢,
求人不如求己!
自己動手嚟做一次全屋大掃除!
D 嘢好次做極都唔完咁!
攪到晚餐都要細囡豬煮俾我食!
佢先嚟炒好個飯底,
再整塊蛋皮製變咗一個蛋包飯喇!
喺上面唧 D 茄汁就係一碟靚靚嘅
蛋包飯
嘞!
多謝細豬小姐!
: D
18-9-2013
星期二, 9月 24, 2013
Brunch @ 香腸專門店
22 - 9 - 2013 (星期日)
今日表哥表姐佢哋約咗我哋食午餐,
為的是同細豬小姐慶祝生日!
今次去年咗 Kingston 食 Brunch!
有河堤兩岸美景,
呢度環境就真係好唔錯!
餐廳嘅裝飾就好有原始 Feel !
有人收到生日禮物就梗係好 Happy 啦!
4 人 Brunch buffet 嘅 Starter 真係唔少嘢!
呢間係香腸專門店,
主菜就一係唔少得嘅香腸喇!
大表哥一家就 Order 其他嘢食!
食飽飽,
唞一陣就出動去 Shopping 啦!
有人就大豐收嘞!
連 Millie 都有份!
( ^o^ )
星期一, 9月 23, 2013
好清新 ~~~
19 /9 ( 週四 )
10:00am 送咗大豬小姐去搭火車,
然後就要去接細囡豬放學!
雖然新學期只係開始咗兩個星期,
就輪到細囡豬帶Cupcake返學校同老師同學分享!
預備晒所有材料就開工做 Cake,
今次要整廿四個 Mint Chocolate Cupcake !
幾經努力,
終於有貨睇喇!
好清新嘅造型喎!
( V o V )
星期日, 9月 22, 2013
未回魂?
20 - 9 - 2013 ( 星期五 )
唔通返到英國真係未回魂?
今朝我想開車送細豬小姐返學;
點知架車撻唔郁嘅?
即刻喺架車裡面睇吓有乜唔妥,
結果喺車頂發現到有盞細燈無熄!
隨手熄咗佢,
再嘗試咗好多次都撻唔著個引擎,
無晒辦法!
時間倉猝,
立即同細囡豬走去搵鄰居幫手!
好彩老外鄰居返晏晝,
被我哋吵醒嘅Chris二話不說就送咗細囡豬返學!
仲叫我唔使擔心!
回頭就幫我倒車落路邊,
(因為我車頭向裡面!)
然後用"過江龍":將我架車搭著!
唔使兩吓手勢就攪掂咗!
真係感激無限!
眼見佢咳過不停,
原來佢喉嚨痛咳嗽,
我又知佢好中國化!
佢話想飲盒仔茶同食紅豆粽,
我當然無托手肘啦!
唔係都唔知搵咩報答佢!
果真係 "遠親真係不如近鄰" 呀!
( Y 0 Y)
星期六, 9月 21, 2013
朱古力蛋糕
18 年前 9 月 20 號有個 Baby Girl 出世,
佢好鍾意瞓覺,
愛整同食甜品,
所以今日就整一個 "朱古力蛋糕" 畀去享用!
希望
細豬小姐
可以更加用心讀書,
健健康康咁去享受佢嘅快樂人生啦!
( * 0 * )
星期四, 9月 19, 2013
無眼睇!
今日 ( 18 / 9 ) 晨早就平安返到英國喇!
見到屋企嘅廚房真係唔知好嬲定好笑!
細豬小姐竟然將全屋嘅碗碟刀叉匙羹都攞嚟用,
點解要摷晒 D 嘢嚟用呢?
問番佢,
佢竟然話唔知喎!
真係無眼睇!
嗱嗱聲清理好現場,
然後同大豬小姐執好晒 D 行李,
事關佢聽朝一早要搭火車返利物浦!
又要到聖誕節先可以再見佢嘞!
( ~ * ~ )
星期二, 9月 17, 2013
樂此不疲!
終於 17 /9 ( 星期二 ) 要返英國嘞!
適逢阿 Sir 都係同日飛去北京公幹!
佢就坐早機,
我哋就坐黃昏機!
所以亦係第一次得我哋兩母女自己去機場!
今年同大囡豬喺香港逗留咗兩個月,
算係咁多年以來可以留得最耐嘅一次!
雖然都係忙於搬屋,
添置新傢俱;
更要親自到銀行改通訊地址等等...
而且仲可以向好友學做麵包同月餅,
又同好多至友相聚多次!
真係樂此不疲!
( >*< )
星期一, 9月 16, 2013
見仁見智!
24 - 8 - 2013 ( 星期六 )
今日阿 Sir 同大囡豬去咗行 " 黃金 " 買嘢,
我當然無興趣去 D 咁逼人嘅地方啦!
晏晝約咗妹妹同兩個小魔怪去尖沙咀 Tea 喇!
悠悠閒咁歎咗成個晏晝。
佢哋兩父女大約六點半就出現嚟食晚飯!
今餐揀咗喺 The One 食韓國料理,
看似細細碗,
但係我都食唔晒成個冷麵!
味道都算正宗,
價錢就 ~ ~ ~
見仁見智嘞!
( V o V )
星期六, 9月 14, 2013
惹火場面~~~
23 - 8 - 2013 ( 星期五 )
上次同阿 Sir 去過尖沙咀東部 "渥" 食鐵板燒,
覺得唔錯!
所以今日帶大囡豬同妹妹一家去食好嘢!
為咗要令到兩個小魔怪可以坐定定,
咁我哋就請師傅先炒咗個海鮮飯畀佢哋食!
我最欣賞鵝肝魚子燉蛋!
專為大豬小姐而叫嘅 '安格斯牛柳',
虎蝦蝦頭有得睇,無得食!
蝦身就啖啖肉!
見到有惹火場面就好 High!
見到兩個小魔怪食到佢哋嘅牛奶布甸就好冧!
( " o " )
星期五, 9月 13, 2013
友好相聚@洲際酒店
11 - 9 - 2013 ( 星期三 )
全靠腦友記帶挈可以去洲際酒店食午餐自助餐,
而且仲有八位友好出席,
甚至有 D 唔返工同唔舒服都嚟聚吓,
實在真係好難得!
呢度嘅甜品好多款式,
就算齋睇都覺得賞心悅目!
坐抵就有一杯鮮果汁歎!
可以同咁多位友好見面真係覺得好窩心!
可能又要再過多一年先可以同各位友好相聚喇!
( > ~ < )
***部份相片來自網友"雀后",唔該晒雀后!***
較新的文章
較舊的文章
首頁
訂閱:
文章 (Atom)