星期六, 12月 21, 2013

一屋都係人

臨近聖誕;

屋企人返齊晒嚟,

再加上我家姐兩母子;

咁就一屋都係人,

好熱烈 ~ ~ ~


日日都出咗街玩,

真係早出晚歸;

都無時間更新個 Blog !


依家都係偷空先可以上吓網咋 !


要遲 D 先再同大家傾計喇 !





星期六, 12月 14, 2013

慳番 !

今年嘅十二月份就真係算和暖嘞 !


近排每日最暖都有 10'C  ~ ~ ~

出街都只需要著多件薄褸就夠暖喇 !


逛超市見 D 彩椒買一送一, 

價錢又唔貴,

確係好抵食 !


唔想擺得太耐,

想盡辦法食晒 D 彩椒,

除咗炒餸同 Wrap 嚟食,

切粒粒嚟炒飯都唔錯 !



當然唔少得我嘅蜜汁櫻花蝦啦 !


有人唔喜歡食櫻花蝦就慳番 !







星期五, 12月 13, 2013

好期待 ~ ~ ~

呢度 D 大學就嚟放聖誕假期喇 !


大豬小姐呢個星期六就可以返嚟屋企嘞 !


真係超開心 !


我大家姐同姨甥仔都嚟英國渡假,

阿 Sir 又可以飛返嚟過聖誕,

下星期就開始好熱鬧喇 !


真係好期待呀 !


* * * * *

唔想整太多嘢,

又想快 D 消滅啲 Wrap,

見雪櫃有舊叉燒,

 用 Wrap 包嚟食就最好不過嘞 !



切 D 紅蘿蔔加嚟食都啱配;


再加啲彩椒就夠晒健康 !


最開心係無人反對吖嘛 !


星期四, 12月 12, 2013

焗有機黃油燒春雞

喺韓國超市見有黃油春雞賣,

仲係有機黃油春雞,

細細隻,

價錢又唔貴,

買咗一隻嚟試吓 !


隻雞預早用紹興酒同南乳嚟醃咗一晚 ,

Parsnip 去皮切件,

略炒;

放喺焗碟同隻一齊焗二十分鐘然後放涼 !



當然仲要整 D 紅菜頭、 紅蘿蔔同蕃薯啦 !



兩個人分咗隻燒雞仔就啱啱好 !



又點少得飯後甜品吖 !


難得買到嘅百福豆腐花 ~ ~ ~ 是也 !


星期二, 12月 10, 2013

蟲草花螺頭百合湯

暑假嗰陣好友金魚送咗 D 蟲草花過我,

從未食過蟲草花

滿心歡喜 !


點知帶咗返嚟就放埋一邊都唔記得咗 !


直到見網友用嚟煲湯,

我先醒起 !


我又試吓煲嚟飲 !


今次就用咗螺頭、百合、杞子、南北杏、蜜棗同雪耳嚟煲排骨,

螺頭要先浸過夜,

雪耳略浸同剪硬頂,

其他材料洗淨備用;

排骨要汆水備用。



全部材料凍水煲至大滾,

轉細火煲一個半鐘再加入雪耳再多煲半個鐘頭;

加鹽調味就有靚湯飲喇 !



個湯嘅顏色似係藥材味,

怕細囡豬唔多喜歡飲,

不過飲落又唔係藥材湯,

似係淡淡嘅菌類味道,

確係好飲 ~ ~ ~


多謝金魚 ~ ~ ~




星期六, 12月 07, 2013

轉吓口味 !

逢星期五細囡豬都要帶午餐返學校食,

好多時我會做麵包俾佢嘅,

不過,

今日就整咗 Wrap 俾佢轉吓口味 !


 屋企有 D 叉燒剩,

再加 D 彩椒嚟包,

既健康又好味 !


一大塊 Wrap 可以包到兩份,

佢要三份;

咁留一份畀我自己做早餐啦 !



我嗰份就唔要太多料,



加杯義大利咖啡就啱啱好,

唔會太飽 !


今朝起身發覺隻無名指好痕,

兼且無啦啦腫咗 !


本來唔打算除隻介指就咁搽止痕藥膏,

點知搽咗止痕藥膏過咗一陣依然係咁痕 ~ ~ ~

無奈隻手指仲腫得更勁,

如果唔除介指就怕後果就更加嚴重 !


用盡方法;

好艱鉅先除甩隻介指,


再搽多次止痕藥膏,

過咗成個鐘之後,

雖然唔痕不過就依然腫 !


冬天應該係無蚊吖,

莫非真係無名腫毒生瘡仔 ??!