星期六, 6月 21, 2014

薑母糖蒸蛋糕

睇咗電視教整嘅蒸蛋糕,

心思思想試吓整嚟食!



早排收到家姐喺香港寄嚟嘅薑母糖,

見原產地係菲律賓;

又有食療功效,

仲係有機原糖!



用嚟整蛋糕都啱,

只係未夠份量,

所以我就另加多咗 D 普通黑糖嚟整!



蒸咗出嚟試食後覺得薑味都好重,

但係就唔多辣!



最好就係細豬小姐都接受到,

無厭棄!



佢話睇個蛋糕外貌似係朱古力味 o添喎!


我就想返香港再要買嚟整畀屋企人食嘞!

星期四, 6月 19, 2014

野餐

由於星期日 ( 15 / 6 ) 係父親節,

任何餐廳都話做父親節餐,

價錢超貴,

其實 D 嘢食就同平時無咩分別,

所以表姐就提議去野餐 !


英國無咩好,

就係公園多,

草地又大,

人就唔多,

真係啱晒野餐 !



最興奮係 Millie !



每家帶咗 D 食物嚟 Share ,


嘢食多到食唔晒 !



野餐途中有人放狗經過,


狗狗仲對我哋 D 食物好有興趣 !



佢哋嘅主人仲帶埋 Ferret 出街 ;


完咗野餐就去 Farm 玩摘嘢 ;

 Gooseberries 未係當造,

不過表姐摘嚟做煮果醬就無問題 !



然後去摘士多啤梨,


早一晚曾經落過雨,

所以 D 士多啤梨田就舖晒禾稈草,


可能呢輪雨水多,

士多啤梨就唔係太甜 !





大豐收嘅 Millie 係最興奮 !



星期一, 6月 16, 2014

花粉之地


我呢豎近一個星期都異常天朗氣清,

每日都起碼有廿幾度,

都真係非常熱 !


事關呢度 D 商場同公共場所都無冷氣設備,

只靠打開門窗嚟疏氣咋 !


就連醫院都無冷氣開放,

門窗又唔可以長開,

最弊連風扇都欠奉,

實在好難頂 !


本來朋友教我用本地蜜糖浸檸檬;

然後沖水嚟飲都有 D 功效 !


基本上我由一月份就開始每日沖一杯嚟飲,

仲以為慣常五月嚟探我嘅花粉症都無出現,

仲諗住可以安然過渡,

點知 ~ ~ ~
  






可惜 D 花粉喺呢幾日實在勁嘞 !


攪到我呢幾晚半夜都無覺好瞓;

全晚都鼻塞同流鼻水 !


最慘係連眼同耳仔都痕到不得了,

就算食咗藥 + 滴眼藥水都唔多掂 !




唯有希望捱多一星期就可以返香港過暑假,

儘快離開呢個 "  花粉之地 " 喇 !


星期五, 6月 13, 2014

好識揀日子

朋友非常好客,

話阿 Sir 舊年無參加過佢新屋入伙 Party ,

本來想六月先攪嘅 BBQ 就提早喺五月中嚟玩 !



我哋每一家人都帶 D 食物到場嚟分享 !




我當然又叫阿 Sir 做鎗手 ~~~整燒肉喇 !





壽司靚到好似外賣嚟咁 !





現場即做串燒沙嗲,

由馬拉華僑朋友嚟整嘅馬拉串燒沙嗲確係好正宗 !



細豬小姐帶咗 D 半製成品嘅 "心太軟" 嚟 ,

再即場焗嚟畀大家做甜品 !



好朋友話好掛住我整嘅燉蛋,

咁咪又嚟顯醜嘞 !



我哋真係好識揀日子,

今日非常熱,

估計起碼有 25'C !


難得咁好天嚟 BBQ ,

 But  就熱到我要大多數時間都坐喺樹蔭底嚟唞涼 !

18-5-2014