花粉之地

我呢豎近一個星期都異常天朗氣清，

每日都起碼有廿幾度，

都真係非常熱 !

事關呢度 D 商場同公共場所都無冷氣設備，

只靠打開門窗嚟疏氣咋 !

就連醫院都無冷氣開放，

門窗又唔可以長開，

最弊連風扇都欠奉，

實在好難頂 !

本來朋友教我用本地蜜糖浸檸檬；

然後沖水嚟飲都有 D 功效 !

基本上我由一月份就開始每日沖一杯嚟飲，

仲以為慣常五月嚟探我嘅花粉症都無出現，

仲諗住可以安然過渡，

點知 ~ ~ ~

  

可惜 D 花粉喺呢幾日實在勁嘞 !

攪到我呢幾晚半夜都無覺好瞓；

全晚都鼻塞同流鼻水 !

最慘係連眼同耳仔都痕到不得了，

就算食咗藥 + 滴眼藥水都唔多掂 !

唯有希望捱多一星期就可以返香港過暑假，

儘快離開呢個 "  花粉之地 " 喇 !

終於安裝好晒~~~

話說三月頭喺網上申請咗獨立水錶 !

7 / 4 :  D 工人就嚟掘地安裝 !

30 / 5 : 又再派工人嚟用水泥砌靚個水錶面。

當堂靚仔晒 !

2 / 6 : 專人又嚟檢查個水錶，

朝早十點就嚟襟門鐘，

打開個蓋睇吓，

裏面就只係咁樣嘅 !

原來係要真正嚟安裝個計量器落去，

兼且仲話今日先正式開始用獨立水錶嚟收費 !

經歷咗差唔多三個月嘅時間 ; 

終於安裝好晒個獨立水錶，

安樂晒 !

打敗仗！

英國天氣變化好大，

經常風雲變色 !

尤其係呢幾日超大風；

看似太陽高高掛，

但係就完全無溫暖可言 !

間中又炸一陣失魂大雨落嚟 !

我就係咁樣被打敗仗嘞!

上星期五喉嚨開始脹痛到爆  !

乾咳到飛起 !

咳到喉嚨損，

仲要半夜先嚟發病 !

呢幾日都無覺好瞓 !

好彩阿 Sir 上星期二返咗嚟，

咁我朝早就唔使趕起身去送細囡豬返學 !

希望快 D 好番，

事關呢個星期日仲要去 BBQ 呀 !

Hea 住嚟做

大豬小姐放完假返咗上利物浦嚕 !

一切歸於正常 !

家務又可以慢慢 Hea 住嚟做嘞 !

吼細囡豬返咗學；

晏晝煎咗碟勁多 XO 醬嘅腸粉嚟歎 !

又喺雪櫃摷咗 D 飲剩嘅紅莓汁嚟試做咗唧唧冰，

細囡豬都話幾特別，

咁又再用嚟整雪葩 !

事關淨飲嘅紅莓汁太甜，

被人嫌棄，

無人吼 !

做咗唧唧冰同雪葩就啱啱好 !

用嚟做飯後甜品又覺唔錯 !