雖然今日都係太陽高高掛，
不過，
好彩有啲風吹吓，
感覺無咁熱！
2011 年 8 月 11 日（四）
今晚應老友嘅邀請去佢屋企食飯，
難得又有住家飯食！
因為朋友係台灣人！
所以有啲係台灣自家製嘅地道菜食嘞！
全部真材實料，
無得彈！
台灣花枝煎餅，
朋友媽媽醃製嘅台灣酸菜炒肉片，
台灣自製香腸，
台式滷水豬手同雞蛋，
我整嘅花枝釀豆腐，
花枝豆腐餅（剩餘物資整嘅！）
蘋果雪梨瘦肉湯。
可惜阿 Sir 要 OT，
所以我又食又拎嘞！
飯後朋友仲幫我打電話去問當地朋友，
點樣編排我月尾去台灣旅行嘅行程添！
咁嘅老友，
婦復可求？？
- Double Iron Legs,
- Hong Kong,
- 住家飯,
- 綜合,
- 飲食
我諗唔得啦...因為我唔係香港出世架...所以簽證會好麻煩...所以我先至會咁多年都唔去台灣旅行囉...妳哋咁多人去玩就好啦...不如等下次啦...下次妳再去一定要預埋我哋喎...
其實係家姐及姐夫想去台灣玩咋...佢哋話如果多d人就好玩好多...仲可以試多d嘢食喎...少人就無得叫太多嘢食...其實妳哋係幾時去架...最衰我無得落地簽證啦...如果唔係我哋3個同埋妳一齊去玩都好呀...哈哈哈
這一餐真係好正呀...妳真係口福不淺喎...去台灣既路線圖...去完留番張俾我做版得嗎???
10月尾我都會去台灣環島遊！