今朝落咗一場大雨，
當堂涼晒！
不過，
晏晝又熱番！
同小姨甥女游完水，
諗住開番個電子貯物櫃攞番條門咭，
點知又失靈！
小姨甥女問我做乜揀個壞嘅貯物櫃！
問得好！
點解？？
等職員嚟開櫃都等咗十五分鐘！
幾乎攪到 Check-out 唔到！
Check-out 又煩咗一輪！
Front Desk 話我哋房有一大一細嘅毛巾染咗色喎！
事緣係我做咗 Hair Treatment，
抹完頭髮就梗係有啲色染落毛巾度 o架喇！
啲執房就話洗唔到！
唉！
我都費事同佢哋拗，
叫佢哋喺按金到扣除喇！
點知佢哋又話唔得！
要我俾現金，
邊有咁蠢 o架！
咁按金要嚟做乜呢？
激死人！
又費事同佢哋嘈！
俾就俾！
又唔係多！
事關我哋 Call 咗的士，
無謂要成村人等我哋一家喇！
由於朋友擺咗一個小烏龍，
事關佢睇錯咗坐回程旅遊巴士嘅上車地點，
好彩趕得及！
否則要滯留喺番禺喇！
晚餐就喺蛇口嘅 ' 大飽口福 ' 食自助餐，
地方超大，
呢度可以容納二千人！
人齊先俾錢，
佢哋會每人派一粒紅寶石，
原來有啲矜貴嘅食物係限量供應嘅！
影咗兩張相先知道唔可以拍照！
好彩無俾人趕！
食物種類好多，
不過，
價錢只係 RMB188.00！
各式各樣嘅飲品任飲！
用兩粒紅寶石先換到嘅龍蝦，
用紅寶石先換到嘅老虎斑上湯翅
用粒紅寶石換到嘅香煎鵝肝
清酒、啤酒、紅酒任飲！
即製芒果梳乎里
各地甜品種類極多！
啲食物根本無可能一次過可以食勻！
可能要多去幾次啦！
十點半起程回港，
返到屋企已經十二點嘞！
食物新鮮，
環境舒適，
招呼都唔錯，
阿 Sir 都話好！
期望下次回港可以再去！
- ' 大飽口福 ' 自助餐,
- Double Iron Legs,
- 番禺,
- 綜合,
- 蛇口,
- 飲食
