晏晝溫度仍然係高！
熱到我唔想郁！
* * 續 * *
2011 年 8 月 13日 （六）
攞番嗰八十蚊人仔！
差唔多四點鐘，
我哋一家同兩個小魔怪就出動去游水，
(妹妹兩個仔女是也！)
游到五點半就夠晒嘞！
一行十二人預訂咗六點就去食自助餐，
三家人分咗兩張檯坐。
今餐係食阿拉斯加皇帝蟹自助餐！
正當我預備影多啲相嗰陣，
就發生咗一個小意外！
事緣係妹妹亦帶住兩個小魔怪
去睇睇有咩甜品，
小姨甥女話要拎杯慕思同蛋糕仔
俾三姨丈(阿 Sir) 食，
(佢好錫阿 Sir o架！)
因為妹妹要拖住佢哋，
咁咪叫我幫佢攞返位囉！
與此同時細豬女又攞咗杯焦糖炖蛋嗰陣，
佢又話要去洗手間
(廁所距離我哋張檯又太遠！)
咁佢又要我幫手拎埋，
而我嘅右手係揸住部手機影緊相，
所以我打算息咗個相機功能啦！
電光火石間，
杯慕思就跌咗落地下，
仲打爛到粉碎添！
咁我隻右腳就首當其衝 --- 中咗招嘞！
唉！
真係無妄之災！！
- Double Iron Legs,
- 番禺,
- 綜合,
- 阿拉斯加皇帝蟹自助餐,
- 飲食
