今朝入咗東涌覺得唔多熱，
但係到咗晏晝就熱到暈嘞！
傍晚開始又涼番啲！
2011 年 8 月 13日 （六）
今日我哋一早八點半坐旅遊巴士上番禺玩兩日！
連埋過關轉車，
到咗十二點半先去到海怡半島酒店！
真係坐到 Pat Pat 都扁！
Check-in 完，
1:30pm 等埋妹妹一家就諗住出外食午飯，
但係條街外面真係實在太熱嘞！
所以都係喺酒店嘅中餐廳食好啲！
原來兩點鐘截單！
拿拿臨落咗 Order !
最後承惠五百零三個人仔啦！
食物嘅質素都唔錯！
可惜招呼就好唔掂！
全個中菜部都無一張 BB 凳！
一陣又話埋數期間揾唔到喎！，
一陣又話用晒！
亂晒大龍 !!
另外，
埋單又唔提醒客人有冇優惠券！
事緣我哋 Check-in 時，
酒店每間房送咗兩張消費滿人民幣三百蚊
就可以慳番八十蚊人仔優惠券！
後尾找咗數先醒起！
我咪即刻搵番找數嗰個經理講，
點知佢話以為我哋有八八節咭喎！
(佢根本無提過乜鬼八八節咭！)
初初佢話會計埋咗數！
(諸多藉口！)
又話叫我哋下次用！
我堅持唔怕等，
(我有嘅係時間！)
只要佢哋俾番優惠嗰八十蚊人仔過我！
來來回回攪咗半個鐘先回水 80 個人仔俾我哋！
* * 待續 * *
上面依家係咁樣架...個個都好似唔休做咁樣...鬼叫人仔又貴咗咁多咩...爆發戶又多喎...港人已經唔值錢啦