2011 年 8 月 2 日 （二）
由於妹妹嘅工人需要去更新工作證，
所以要一點前趕入去佢屋企照顧細佬 B！
上兩星期買咗啲淡忌廉仲未整，
咁我就先去超市買埋啲材料，
趁細佬 B 瞓晏覺就可以整喇！
今次做咗 "木糠布甸"，
簡單易做，
小朋友一定鍾意！
做好放入雪櫃四個鐘就有得食！
妹妹嘅好朋友三點半嚟教兩個豬小姐化妝，
事緣佢哋出年年中要參加畢業舞會！
唔..................佢哋都好用心去學，
因為到時都係佢哋自己顧自己 o架喇！
叫我煮兩餐就得 o者，
化妝............咪搞我！
所以咪要學得專業啲囉！
好多謝阿 Vi 呀 !
** 待續 **
咁樣兩位小姐學成點樣呀???
寶貝女好男仔頭，連裙都唔肯著呀！