唔知點解 D 日子攪亂晒!
唯有重新 Post 多一次!
27 - 12 - 2013 ( 星期五 ) 雨天
家姐兩母子山長水遠嚟到英國,
就一定要帶佢哋去買 D 名牌嘢喇 !
寒風冷雨之下揸車出嚟呢豎敗,
睇咗好耐都無乜地方可以泊車,
唔理嘞!
1:30pm 泊咗架車喺 Tesco ,
然後去揾食 !
仲竟然被我哋揾到呢間 "大碗麵" 喎 !
D 嘢食唔貴;
仲無乜味精!
話說我哋揾唔到泊車場,
我就問吓個伙計;
點知個老闆仲好好人,
佢醒咗張兩個小時免費泊車咭過我哋,
真係出門遇貴人呀 !
呢間 Burberry Outlet 非常好行,
雖然都有好多強國人,
但係呢度勝在地方夠大,
又有免費貯物櫃畀客人擺放隨身物品,
任睇任試!
我哋只係行咗個半鐘就滿載而歸嘞 !
由於路途遙遠,
4:30pm 就打道回府 !
晚餐就用咗家姐帶嚟嘅黑毛豬午飯肉做餸,
原來碟頭飯都好受歡迎喎 !
飯後就檢視吓 D 戰利品,
最多收獲係姨甥仔,
佢又幫朋友入貨 !
大豬小姐都要置 D 行頭喇 !
我都唔蝕底,
揾到兩件好嘢 !
而且仲係姨甥仔送畀我 o添啵 !
收獲豐富 正呀
回覆刪除我第一次去呢間 Outlet,試衫都試到好開心!
刪除買咗唔少嘢喎!
回覆刪除去到呢間 Outlet,價錢好抵,唔買就有D對唔住自己!
刪除收獲唔錯喎 讚!
回覆刪除馬年快樂 日日笑口常開呀!!
阿 Sir 話啱就買喎!其實我同細豬小姐每人都只係買咗兩件衫咋!
刪除我都祝你同屋企人馬年快樂!
嘩,好多收穫呢﹗happy!!
回覆刪除呢間 Outlet 價錢好抵,比其他轉門店平好多,所以咪買咗兩件囉!
刪除嘩,係咪真係好抵買?
回覆刪除平到我哋都唔信,我揾到一件只係廿九鎊咋!
刪除看來碗麵又幾大噃!
回覆刪除價錢又唔貴,食完仲唔覺口渴 o添啵!
刪除祝你新春大吉~!日日開心~!心想事成呀!~~~
回覆刪除2個囡囡越大越靚靚呢~!
我都祝你同家人幸福快樂!
刪除