星期二, 12月 10, 2013

蟲草花螺頭百合湯

暑假嗰陣好友金魚送咗 D 蟲草花過我,

從未食過蟲草花

滿心歡喜 !


點知帶咗返嚟就放埋一邊都唔記得咗 !


直到見網友用嚟煲湯,

我先醒起 !


我又試吓煲嚟飲 !


今次就用咗螺頭、百合、杞子、南北杏、蜜棗同雪耳嚟煲排骨,

螺頭要先浸過夜,

雪耳略浸同剪硬頂,

其他材料洗淨備用;

排骨要汆水備用。



全部材料凍水煲至大滾,

轉細火煲一個半鐘再加入雪耳再多煲半個鐘頭;

加鹽調味就有靚湯飲喇 !



個湯嘅顏色似係藥材味,

怕細囡豬唔多喜歡飲,

不過飲落又唔係藥材湯,

似係淡淡嘅菌類味道,

確係好飲 ~ ~ ~


多謝金魚 ~ ~ ~




28 則留言:

  1. 唔知入唔入得澳洲境所以我冇買呀!

    回覆刪除
  2. 蟲草花好多人都用嚟蒸雞,都唔錯呀!

    回覆刪除
    回覆
    1. 下次都試吓用嚟蒸雞先!

      刪除
    2. 我又係好愛用來蒸雞..^o^

      刪除
  3. 虫草花呢幾年真係好紅。

    回覆刪除
  4. 蟲草花用嚟煲粥都好味呀

    回覆刪除
  5. 吖~俾個blog 玩死~
    "淡淡嘅菌味?! 咁好似唔錯喎!~"~呢句我係for 呢篇架~!!

    回覆刪除
    回覆
    1. 好好飲㗎!
      兩篇我都回應你啦!

      刪除
  6. 呢個好有益,要飲大大碗^^

    回覆刪除
  7. 蟲草花用嚟配勝瓜做煲仔菜都一流

    回覆刪除