星期四, 12月 05, 2013

換對新嘅 !

細豬小姐九月尾生日嗰時同表姐 Shopping 喺 Clarks 買咗一對短靴,

佢好鍾意呢個款,

點知啱尺碼嘅又係最後一對 !


唔知佢當時係咪太開心,

所以就無睇清楚對靴有無問題就買咗嘞 !


點知到佢上個月攞嚟著先發現對靴有一邊爆咗線 !


打電話問表姐男友 Steve  (佢係 Clarks 嘅高層),

收據又唔知點解會喺佢度?


佢又話飯聚嗰陣帶畀佢睇吓,

當時仲以為佢幫手攞返去換對新嘅 !


點知佢都係話叫我哋自己拎去分店換 !


擾攘多時;

終於上個月尾細豬小姐攞咗去屋企嘅分店換,

原來呢間分店又無賣呢款短靴喎 !


不過店員二話不說就打電話去貨倉查詢,

最終新靴由貨倉直接寄嚟 !



唔使三日就收到新貨喇 ~ ~ ~



細豬小姐終於有新靴著嘞 !


16 則留言: