o尋晚落好大雨,
今朝起身嘅溫度雖然都係涼涼地,
只得八度 !
但係就陽光普照,
人嘅心情都開朗晒 !
我呢邊外出食嘢就無乜好選擇,
想食多 D 蔬菜就會諗起要去 Toby !
天氣回暖,
英國人都喜歡去街飲飲食食,
Pub 嗰邊就有 D 人買杯飲品出外面曬住太陽嚟歎 !
坐低咗叫完飲品就去排隊攞嘢食,
廚師哥仔就慢條斯里嚟切嘢,
佢攪攪吓仲唔知閃咗去邊,
係呢度生活真係少 D 耐性都唔得㗎 !
D Yorkshire Pudding 有好大盤,
仲好大隻 o添 !
肉類就只可以攞一次,
蔬菜就 All you can eat !
細囡豬嗰碟係普通 Size,
Parsnip 係我嘅主打,
肉類就其次 !
又係眼闊肚窄 ~ ~ ~
甜品我就食唔落,
原來細囡豬就留肚嚟食 Apple Crumble,
可惜呢個甜品係唔焗嘅,
咁就認真麻麻 ~ ~ ~
15-3-2014
依間我未食過呀。見人介紹都說食物不錯。
回覆刪除可以食得過嘅!
刪除all you can eat 包唔包飲品
回覆刪除只得蔬菜先有 All you can eat !
刪除我都愛apple crumble ^^
回覆刪除我都愛焗嘅 apple crumble !
刪除唉....全世界只有香港的生活最緊張.....記得後生時係英國搭地鐵永遠係行得最快的八.....個個以為我走火警呀
回覆刪除即係你天生 "急性子" 喇!
刪除香港人步伐太快,老外識享受人生。
回覆刪除老外喜歡慢活!
刪除哈~細囡豬都好好食力~但係又唔肥先好嘢喎
回覆刪除年青人嘛!
刪除Apple Crumble竟然唔焗邊好味架
回覆刪除咪係,超難食!
刪除