星期四, 3月 13, 2014

扯走樹根

英國生活指數高,

有時都要諗吓計仔 "開源節流" 先得 ,

正所謂 "少數怕長計" 吖嘛 !


尤其係水、電、煤氣都係超貴 !


屋企雖然只得我同細囡豬兩個人住,

D 水費每個月要都畀五十鎊,

又確係好肉赤 !


其實英國嘅水費係有兩種收費,

無安裝獨立水錶就係論人頭估計,

當然就有估多無估少喇 !


如果嫌貴就可以申請安裝獨立水錶 !


我有好多朋友都安裝咗獨立水錶就確係慳番唔少 !


終於 "的起心肝" 先喺網上申請,

原來要三個月先完成安裝嘅 !


手續都唔算太繁複;

相隔咗幾日就有專人打電話嚟約期睇地方 !






技師先嚟揾個街喉,

仲出動個金屬探測器嚟搜尋;

終於喺屋企前門揾到個水喉總制,

不過就要剷走 D 樹 !



我唯有動手先剪走 D 樹幹,


估唔到剪出嚟嘅樹枝都有成兩大黑色垃圾膠袋,


但係樹根就好強頑,


掘極都掘唔走個樹根,

仲攪到對手同條腰都好酸痛;

最後唯有放棄 !



第二日老外鄰居 Chris 路過;

見我前門攪成咁樣,

佢就嚟㩒門鐘問我發生咩事,

最後佢仲自動請纓嚟幫手整走個樹根喎 !



原來佢係揸架 Van 仔嚟用繩索扯走個樹根,

尼龍繩索都拉斷咗一條先攪掂 !



過程都確係幾艱鉅同危險㗎 !


又再見證一次 "遠親不如近鄰" 嘞 !


真係感激無限 ~ ~ ~


仲要等多一個月先正式嚟安裝個水錶,

希望到時順順利利喇 !



仲有意外收獲 ~~~ 

就係用個金屬探測器揾到個 "日規" 喎 !


22 則留言:

  1. 你個鄰居實在太好人.
    個日規係咪古董黎架?

    回覆刪除
  2. 回覆
    1. 我呢度啲鄰居都真係好熱心助人嘅!

      刪除
  3. 好搞笑...水喉總掣竟然埋係地下...

    回覆刪除
    回覆
    1. 多謝到訪!
      我呢度啲設施都係咁樣!

      刪除
  4. 真係好大工程,幸而有個好鄰居。

    回覆刪除
  5. 回覆
    1. 我都有諗過呢個問題,不過我就快獨居嘛!

      刪除
  6. 鄰居真好人,唔係第一次幫忙呢!

    回覆刪除
    回覆
    1. 我呢度 D 鄰居都真係好熱心助人嘅!

      刪除
  7. 哈~你嗰邊d鄰居真係好好喎~我連我隔離屋姓乜都唔知~哈~

    回覆刪除
    回覆
    1. 香港居住環境就同外地唔一樣,幾乎每個人都係早出晚歸,比較少時間遇見,鄰里關係就冷漠 D!

      刪除
  8. 回覆
    1. 簡直係估唔到要咁艱鉅先掘到個樹根出嚟!

      刪除
  9. 回覆
    1. 佢仲話我唔話佢知就係唔當佢係朋友喎!

      刪除
  10. 你個鄰居真係無得頂, 好熱心~~~~~

    回覆刪除
    回覆
    1. 佢仲話每日經過我屋企門口都會睇吓我呢豎有無唔妥喎!

      刪除
  11. 好彩有鄰居幫手咋,佢都要用車先扯到出黎,你自己點搞得掂呀?!

    回覆刪除