我呢豎近一個星期都異常天朗氣清,
每日都起碼有廿幾度,
都真係非常熱 !
事關呢度 D 商場同公共場所都無冷氣設備,
只靠打開門窗嚟疏氣咋 !
就連醫院都無冷氣開放,
門窗又唔可以長開,
最弊連風扇都欠奉,
實在好難頂 !
本來朋友教我用本地蜜糖浸檸檬;
然後沖水嚟飲都有 D 功效 !
基本上我由一月份就開始每日沖一杯嚟飲,
仲以為慣常五月嚟探我嘅花粉症都無出現,
仲諗住可以安然過渡,
點知 ~ ~ ~
可惜 D 花粉喺呢幾日實在勁嘞 !
攪到我呢幾晚半夜都無覺好瞓;
全晚都鼻塞同流鼻水 !
最慘係連眼同耳仔都痕到不得了,
就算食咗藥 + 滴眼藥水都唔多掂 !
唯有希望捱多一星期就可以返香港過暑假,
儘快離開呢個 " 花粉之地 " 喇 !
I understand how you feel, and all my friend has allegry too.
回覆刪除最慘係我頭一年就已經有花粉症!
刪除快D返香港啦
回覆刪除我都想!
刪除一星期好快過
回覆刪除不論日與夜都打噴嚏、鼻塞、流鼻水、眼痕就非常困擾,一星期都實在好難過呢!
刪除好快可以返黎玩啦,不過香港好熱呢!
回覆刪除香港有冷氣就無有怕喇!
刪除外國真係唔興開冷氣,但有時香港D冷氣太勁呢~
回覆刪除希望你快D好返,跟住好好享受係香港嘅日子^^
其實如果氣溫唔超過廿五度同唔企喺太陽底下就唔覺熱嘅!
刪除快D返嚟,我哋一齊去玩啦!
回覆刪除好期待呀!
刪除好快就到啦~
回覆刪除期待中~~~
刪除嘩~風扇都冇~又真係好辛苦喎!~你家下返黎唔怕熱咩?
回覆刪除香港有冷氣就無有怕喇!
刪除我都頂唔住,以前唔怕架。
回覆刪除我諗除左超巿戲院GYM CLUB,都好難有地方有冷氣。
最弊係有D地方連窗都開到呢!
刪除HK熱都唔緊要,今日焗到爆呀~~~陰功
回覆刪除翳焗就最辛苦!
刪除敏感症係好煩既事,絕對有同感!
回覆刪除眼痕鼻痕有時連頭皮都痕...=.="
咁就好嚴重嘞!
刪除香港空氣唔好,又係會鼻敏感,打乞嗤同鼻水長流都非常討厭!
回覆刪除未嚟英國住之前我喺香港就無鼻敏感㗎!
回覆刪除