長兜年糕

今日天朗氣清，

真係難得嘅好天，

雖然都只係得六度 !

難得大囡豬夾到時間可以喺星期六返到嚟過年，

不過佢只都係留到三日咋 !

咁我就當然要整番 D 年糕畀佢歎吓喇 !

本來想遲多兩日先蒸糕嘅，

但係星期二要同細囡豬去 Bristol 大學面試；

所以都係早 D 整定，

咁就唔怕有甩漏喇 !

今次分咗兩個長兜嚟蒸，

因為大囡豬係非常~~~非常鍾意食年糕㗎 !

大囡豬除咗可以喺屋企煎嚟食，

咁佢就可以帶一底年糕返上利物浦慢慢歎嘞 !

Boxing Day

26 - 12 - 2013 ( 星期四 )  大風雨天

Boxing Day 點都要同家姐兩母子去敗吓嘅 !

天氣依然都係大風雨，

未夠 11:30am 去到 Westfield，

停車場就排長龍，

用咗 45 分鐘先揾到位泊車,

中午時份嘅商場已經人山人海嘞 !

商場仲有小朋友手推車出租，

好貼心 !

第一時間就梗係揾地方醫肚啦 !

Food Court 嘅越南河就真係好唔掂，

肉丸就無味；

河粉未完全淥軟熟就上湯碗，

D 湯就只係暖嘅 !

雖然係人多幫襯啫，

都唔應該係咁樣做，

真係以後都咪鬼幫襯呢間衰嘢 !

本來我同姨甥仔都想買手錶，

可惜睇極都唔合眼緣，

算數 !

  

最終只係家姐幫朋友買咗個錢包 !

當然又要去攪退稅喇 !

與此同時我就同兩個大細路去買雪糕嚟歎 !

未夠五點鐘就鬆人 !

大囡豬因為考試在即，

所以無去敗，

未返到屋企就打電話叫佢 Set 定枱，

7:30pm 就有得打邊爐嘞！

 

雖然火鍋材料唔係好豐富，

但係可以一家人圍枱打邊爐就好滿足嘞！

聖誕節正日

25 - 12 - 2013 ( 星期三 )  雨天

聖誕節正日,

一早執齊細軟出發去表哥屋企 !

十點半未夠就到達，

見表哥佢哋幾個已經忙到一頭煙 !

我哋第一時間就擺好 D 聖誕禮物，

12:00pm 就開始玩拆聖誕禮物嘞 !

玩完拆禮物我哋就幫手 Set 枱，

首先就當然食前菜先喇 !

大人細路總共 11 人，

所以前菜就比往年多 !

1:30pm 就開餐喇 ~ ~ ~

今年因為人多一齊食聖誕大餐，

所以就採取自助餐形式嚟食，

咁就比較自在 D  !

食完頭盤同主菜就唞一陣 !

其間 Millie 就再次拆佢嘅禮物 !

5:00 pm 係甜品同芝士時間，

傾傾講講又歎咗一個好開心嘅 X'mas Day !

Millie 就收到最多聖誕禮物 ~ ~ ~