英國生活指數高,
有時都要諗吓計仔 "開源節流" 先得 ,
正所謂 "少數怕長計" 吖嘛 !
尤其係水、電、煤氣都係超貴 !
屋企雖然只得我同細囡豬兩個人住,
D 水費每個月要都畀五十鎊,
又確係好肉赤 !
其實英國嘅水費係有兩種收費,
無安裝獨立水錶就係論人頭估計,
當然就有估多無估少喇 !
如果嫌貴就可以申請安裝獨立水錶 !
我有好多朋友都安裝咗獨立水錶就確係慳番唔少 !
終於 "的起心肝" 先喺網上申請,
原來要三個月先完成安裝嘅 !
手續都唔算太繁複;
相隔咗幾日就有專人打電話嚟約期睇地方 !
技師先嚟揾個街喉,
仲出動個金屬探測器嚟搜尋;
終於喺屋企前門揾到個水喉總制,
不過就要剷走 D 樹 !
我唯有動手先剪走 D 樹幹,
估唔到剪出嚟嘅樹枝都有成兩大黑色垃圾膠袋,
但係樹根就好強頑,
掘極都掘唔走個樹根,
仲攪到對手同條腰都好酸痛;
最後唯有放棄 !
第二日老外鄰居 Chris 路過;
見我前門攪成咁樣,
佢就嚟㩒門鐘問我發生咩事,
最後佢仲自動請纓嚟幫手整走個樹根喎 !
原來佢係揸架 Van 仔嚟用繩索扯走個樹根,
尼龍繩索都拉斷咗一條先攪掂 !
過程都確係幾艱鉅同危險㗎 !
又再見證一次 "遠親不如近鄰" 嘞 !
真係感激無限 ~ ~ ~
仲要等多一個月先正式嚟安裝個水錶,
希望到時順順利利喇 !
仲有意外收獲 ~~~
就係用個金屬探測器揾到個 "日規" 喎 !
你個鄰居實在太好人.
回覆刪除個日規係咪古董黎架?
我都唔清楚個日規係咪古董喎!
刪除你個鄰居真係好人呀!
回覆刪除我呢度啲鄰居都真係好熱心助人嘅!
刪除好搞笑...水喉總掣竟然埋係地下...
回覆刪除多謝到訪!
刪除我呢度啲設施都係咁樣!
真係好大工程,幸而有個好鄰居。
回覆刪除鄰居 Chris 估個棵樹都種咗10年!
刪除我地要種菜。如安裝水錶便更加貴。
回覆刪除我都有諗過呢個問題,不過我就快獨居嘛!
刪除鄰居真好人,唔係第一次幫忙呢!
回覆刪除我呢度 D 鄰居都真係好熱心助人嘅!
刪除哈~你嗰邊d鄰居真係好好喎~我連我隔離屋姓乜都唔知~哈~
回覆刪除香港居住環境就同外地唔一樣,幾乎每個人都係早出晚歸,比較少時間遇見,鄰里關係就冷漠 D!
刪除嘩,好大工程
回覆刪除簡直係估唔到要咁艱鉅先掘到個樹根出嚟!
刪除你個鄰居真係無得頂喎!
回覆刪除佢仲話我唔話佢知就係唔當佢係朋友喎!
刪除你個鄰居真係無得頂, 好熱心~~~~~
回覆刪除佢仲話每日經過我屋企門口都會睇吓我呢豎有無唔妥喎!
刪除好彩有鄰居幫手咋,佢都要用車先扯到出黎,你自己點搞得掂呀?!
回覆刪除我根本無本事去掘!
刪除