唔可以懶惰㗎 !

細囡豬 D 傷風咳好咗少少，

反而我尋晚就多咗咳，

仲咳醒咗幾次 !



* * * * *
17 - 12 - 2013 ( 星期二 )  雨天

又係要晨早去接機，

5:30am 就係接阿 Sir ！



好彩佢唔使等好耐就出咗閘嘞 !



6:45am 返到屋企；

畀佢執吓行李，

兼且要佢稍事休息吓 !



10:15am 我就載細囡豬去補習，

中午就返屋企接咗家人去食午飯 !

由於大囡豬抱病，

所以要休息多 D，

呢碟肉絲炒麵就醒佢嘅 !

飲茶用膳完畢就去咗行超市 !

晚餐都一定喺屋企食，

原來整燒肉係唔可以懶惰㗎 !

事緣今次買咗兩塊五花腩，

然後一次過放入焗爐焗，

點知焗出嚟嘅效果就唔一樣 !

好彩屋企人都好俾面幫我食晒 ~ ~ ~

失聲

近排我呢度好多人都有流感，

細囡豬同我都唔例外；

我都只係輕微流感，

細囡豬就比較嚴重，

佢食咗藥都鼻塞到 C ，

半夜又咳到醒幾次，

所以都係唯有請假留喺屋企休息 !

* * * * *

16 - 12 - 2013 ( 星期一 )  雨天

早餐就少不免係食西式啦 ~ ~ ~

本來今日打算由大豬小姐帶隊遊倫敦，

可惜佢感冒夾失聲，

除咗食中藥之外，

我嘅鹹柑桔都要出動嘞 !

基於帶隊病咗，

所以我哋唯有改行程，

改由我帶家姐兩母子去閒逛，

等佢哋熟識吓本地生活，

午餐就當然要食吓鬼佬餐啦 !

食飽飽就再去買餸嘞 !

晚餐就 Encore 多一次麵豉焗鱸魚，

個個都食到唔停得筷 !

後話 : -

D 鹹柑桔水真靈驗，

大豬小姐飲咗一杯，

夜晚就開到聲講嘢喇 !

感恩

親人到訪

15 - 12 - 2013 ( 星期日 ) 雨天

晨曦未現，

5:00am 就摸黑去機場接我家姐兩母子嘞 !

原來非英國國民係要排好耐隊先過到海關㗎 !

足足等咗佢哋差唔多兩個鐘先可以攞齊行李出閘 !

 

7:45am 返到屋企；

畀佢哋執吓行利，

稍事休息吓 !

 

1:30pm  帶佢哋外出食 Lunch  ,

好彩佢兩母子都滿意呢一餐 !

我仲煲咗一個素湯畀佢哋歎 !

而我家姐都有出手整咗條靚魚畀我哋細味呢 !

超級大風 !

近排英國嘅天氣確係好差，

無一日係好天，

經常落大雨，

攪到好多地方都水浸 ;

又超級大風 !

仲吹到我個後園 D 圍欄都爛咗，

雖然阿 Sir 臨返香港前都做咗鞏固嘅工程，

但係另一面都係有一塊支持唔住 !

要搵轉業人士嚟整，

仲要等 D 圍欄有新貨返先有得整 !

真係想唔大出血都唔得嘞 !

近排都好多人都病咗 ,

本來細囡豬今日係假期後第一日都返唔到 !

希望佢早日好番，

事關佢下星期就要考試呀 !