天氣仍舊係熱~~~~~~~
只係入夜就涼快啲！
本來今年唔諗住去食物博覽會行 o架！
但係妹妹個朋友有多一張買家入場證，
仲係免費嗰隻添！
原來掛住呢個証，
就可以行勻晒所有嘅展覽館 o架！
梗係去啦！
去到後，
我哋上咗三樓嘅展館行咗一陣，
冇見到有太多人，
非常舒暢！
原來呢層係要有證先嚟到嘅，
怪唔知得啦！
不過，
一樣有好多 o野買喎！
原來有啲參展商係喺一樓同三樓都有攤位嘅！
呢度唔係賣龍蝦，
只係介紹佢哋嘅醬汁咋！
仲有奶茶冠軍嘅頒獎典禮添！
朋友做足功課，
拎住啲優惠券去買需要嘅 o野，
慳番唔少時間！
唔使行咗兩三個鐘，
就滿載而歸嘞！
最後一個鐘，
我哋去參加集齊三個印章，
就換到呢份禮物喇！
與此同時，
我哋參觀埋日本館添！
雖然無o野可以買，
但係可以試到好多美食，
令人難忘！
行完晒我哋就各自回家！
我就過咗尖東，
阿 Sir 嚟車站接我，
佢拎咗我啲戰利品上佢辦公室！
之後，
我哋去咗日航酒店 Happy Hour！
唞咗兩個鐘！
回咗氣，
就去鳳城酒家食晚飯，
食到飽飽！
拎番我啲戰利品後，
就打道回府！
妳真係好識得周圍搵好嘢買喎...仲叻過我添...我就咩博覽會都唔去架...因為好驚太多人既地方...
鳳城餐飯唔錯喎...抵唔抵食呀???