星期六, 4月 16, 2011

箍到幾時?


2011年4月16日上午5:45公開累積瀏覽 11416
 
晏晝一點鐘要同大豬小姐去箍牙,

大小姐話要食咗 Lunch 先去見牙醫,
費事整完又牙軟食唔到 o野喎!


屋企附近冇乜好食,



唯有又去食麥記啦!
細女豬唔肯起床,



算數!


由得佢繼續同"周公"約會啦!
都唔知個牙醫點嘅 ,



上兩次又話差唔多攪掂!

依家又話就嚟得!
都唔知幾時先至真係攪掂



大豬小姐由前年五月開始箍牙,


原本話箍十八個月就箍完,
依家差唔多兩年都未箍完!



唉!

好似沒完沒了咁.........




  • Pansy
    • Pansy
    • 2011年4月17日上午11:10
    寶貝女中學開始無牙保,佢又好怕睇牙E,呢2年幾都未睇過,多謝你提醒,我都要得閒同佢去問問個牙E先得!
    • Double Iron Legs
      其實好似十二、三歲(中一)已經要去牙醫度 check 吓㗎! 早知早準備丫嘛!
  • 鬼妹紅紅
    你睇NHS果d呀?我喺UK不嬲都係睇C+,NHS果根本冇quota收我,就算C+都係好難book,USA都係咁,真係唔憂做。
    • Double Iron Legs
      依家嘅 NHS 反而多咗好多喎! 呢輪經過啲牙科都見有掛橫額 / 廣告出嚟喎!
  • Angel
    • Angel
    • 2011年4月17日上午9:21
    d牙要亂成點先要箍牙。
    • Double Iron Legs
      咁你就要問番你哋睇開嘅牙醫喇! 如果冇影響牙齒嘅健康, 就冇唯搵 o野嚟煩嘞!
  • Rita
    • Rita
    • 2011年4月17日上午1:13
    我都好似你一樣的心情,箍牙時E生都話兩年, 但 我小朋友都 箍了3年, 經E生解釋, 拆了後都要24小時戴着RETAINER,因她們還在發育中,怕小朋友不常戴RETAINER時會打回原形,E生令願把箍牙時間加長,所以你不用急。 戴RETAINER對小朋友是很煩, 因為吃食物時要除下,在學校放在餐桌很容昜忘記(吃完就走)曾試過。
    • Double Iron Legs
      多謝到訪! 我都知醫生一定有佢嘅原因嘅! 冇辦法啦! 唯有耐心等候啦!
  • Liam媽咪 sandy
    無法喱到睇牙醫真要好多時間,只有一個等字
    • Double Iron Legs
      係囉!唯有等啦..............
  • 靚太
    • 靚太
    • 2011年4月16日下午9:54
    我曾經係18歲那年箍牙,都要2年呀!箍完真係整齊左好多!
    • Double Iron Legs
      整齊就即係易啲清潔牙齒喇!好㗎!
  • C拉
    • C拉
    • 2011年4月16日下午7:48
    唔駛錢 咁 筍 我哋剩係睇GP就唔使錢,牙E貴到飛起,據聞有d人去排期睇政府牙E,要排三,四年先有得睇,睇政府牙E又要有窮人咭先有得睇
    • Double Iron Legs
      其實即係好似香港嘅政府公務員牙科咁囉!
      先排期見矯型牙科顧問醫生(真係佢用眼嚟見嗰隻呀!)
      然後番屋企等信(又等三個月!)
      最後再排期等三年啦!
      你話計吓條數要幾耐?
      如果你有耐性咪等囉!
      真係等到人都癲!
  • Pansy
    • Pansy
    • 2011年4月16日下午7:47
    箍牙1般都要2年,我就心大心細,唔知同唔同寶貝女箍牙好,大大話話有2年咁辛苦!
    • Double Iron Legs
      咁你就要問番你同寶貝女睇開嘅牙醫喇!如果冇影響牙齒嘅健康,就冇唯搵 o野嚟煩嘞!
  • Da Da
    • Da Da
    • 2011年4月16日下午5:52
    醫生有沒有說大約什麼時候完...
    過了時間, 他應該都有解釋架....
    • Double Iron Legs
      個牙醫每次都話 Almost 㗎嘞!佢只係話大豬小姐棚牙嘅 Gap 位箍得仲未夠埋囉! 今年一月嗰次又俾個假希望我,話箍埋嗰個月就得!點知又係假嘅!
  • EE
    • EE
    • 2011年4月16日下午4:57
    箍牙真係幾煩!所以我阿仔唔肯箍!其實整左係會靚D!
    • Double Iron Legs
      牙醫話唔係要佢靚而係要佢啲牙健康咋!咁又係啱嘅!因為啲牙係跟我哋一世㗎嘛!
  • 黃師奶廚藝小百科
    係咁架~上當年~我細個去COOL 牙~夠話年半啦~最後搞咗2年幾~!
    • Double Iron Legs
      咁咪 係 囉! 點鬼知要箍咁耐都未得㗎啫!激 C 人!
  • bb33的廚房
    唉....我個大小姐D牙都生得唔靚.,過多幾年都要帶佢去箍牙
    • Double Iron Legs
      其實係香港啲牙醫要大豬小姐箍牙嘅!個牙醫話唔係要佢靚而係要佢啲牙健康咋!咁又係啱嘅!因為啲牙係跟我哋一世㗎嘛! 咁呢邊嘅牙醫又話佢要箍,咁咪箍囉!點鬼知要箍咁耐都未得㗎啫!激 C 人! 其實香港嘅"學童牙科保健"都檢查得到嘅!你可以問吓嗰度啲牙醫㗎!
  • C拉
    • C拉
    • 2011年4月16日下午12:04
    我腍你話嗰個 透明膠牙模 就即係我亞女依家瞓覺先戴嗰個膠模.以前E生話帶多幾年d牙位就更穩定,d牙無咁容易走位.但嗰個膠摸嘅大牙位好易磨爛,以前箍牙療程中,膠模只要60蚊,依家療程完成自己想再換就承惠160蚊,可能今年又加咗價都未定
    • Double Iron Legs
      戴 呢 個 透明 膠 牙 模 好似要戴三年!然後每半年就去牙醫度檢查一次喎! 我哋呢邊十八歲以下睇任何醫生係 唔駛錢 㗎!
  • 傻妹【Annie】
    Double iron legs
    早晨!哈哈哈...我聽完妳同雀后既對話,就知道原來妳係因為個牙醫唔靚仔,所以就想盡快搞掂,不過我都真係覺得耐喎!唔通係香港既牙醫縮時間?因為香港既牙醫係一次性收費架!所以咪有機會係咁樣囉!唔知道係邊個真啦
    • Double Iron Legs
      其實最主要係大小姐又開始要考第一年嘅高考!鬼 C 咁忙㗎嘛!咁咪想快啲箍完囉!唔想每六個星期去見呢個唔靚仔嘅牙醫 o丫嘛!
      咁如果個牙醫靚仔啲嘅話,咁係咪養眼啲好啲呢?你都鍾意睇靚 o野㗎?
      我哋呢邊十八歲以下睇任何醫生係 唔駛錢 㗎!
  • 雀后
    • 雀后
    • 2011年4月16日上午7:53
    箍牙要咁耐o架???
    • Double Iron Legs
      係囉!依家差唔多每六個星期就要去見牙醫一次!大小姐又開始要考第一年嘅高考!鬼 C 咁忙㗎嘛!咁咪想快啲箍完囉!唔想每六個星期去見呢個唔靚仔嘅牙醫 o丫嘛!
  • C拉
    • C拉
    • 2011年4月16日上午7:32
    "話箍十八個月就箍完"你就想呀!我亞女差不多箍咗兩年,拆咗d粒粒之後,仲要用一條幼幼嘅鐵線仔固定下排前面幾隻牙.上面排牙就要做一個透明膠箍,每晚瞓覺要戴係上排牙,到今時今日就每隔一日瞓覺先戴........箍到依家差不多六年啦!
    • Double Iron Legs
      嘩!乜要箍咁耐㗎? 我只知箍完之後就要 Anytime 戴個透明膠牙模  !  (除咗食 o野之外!)

沒有留言:

張貼留言