上次端午節包咗 D 粽拎返工俾同事同老細食,
老細食咗之後又買咗 D 粽料;
叫我再包過佢食,
咁我話包就唔係問題,
但要帶返嚟俾佢烚!
因為 D 燃料費好鬼貴!
終於拖到今日先至有時間包!
先包埋上次剩落嘅紅豆,
然後再包綠豆,
最後有剩糯米;
就包咗 D 眉豆粽嘞!
即係紅豆粽八隻、
綠豆粽廿三隻,
眉豆粽五隻。
全部總共三十六隻!
今次包得大隻過上次嗰 D ;
因為老細話喜歡食多 D 糯米嘅粽!
我話時代唔同咗;
家陣 D 人注重健康唔愛吃咁多糯米同肥肉!
佢話胆固醇萬歲喎!
又話佢舊 " 屎 " 係鄉下又.......
唔鬼理佢,
照佢意思去包!
費事同佢拗!
- Double Iron Legs,
- 眉豆粽 綠豆粽,
- 紅豆粽,
- 綜合,
- 飲食
妳老細係咩國籍人士嚟架?
我都好鍾意食糯米既嘢架!我都好想試下眉豆粽
你真係好人,最弊住咁遠,無得請你幫手包添!