希望 D 農作物可以生得整齊啲，
學 Blog 友何媽用竹枝同繩圍住佢哋，
盡吓人事喇！
趁未落雨就剪多一次草，
費事第日返到嚟亂草叢生！
今次非常順利！
搞完個花園之後，
時候唔早，
要預備定晚餐喇！
為咗要燒滅冰櫃嘅免治豬肉，
見到超市嘅大蘑菇好靚，
買咗返屋企嚟釀！
見到柜裡頭嘅大地魚粉，
又加埋落去一齊釀喇！
大地魚粉豬肉釀大蘑菇
材料 : 免治豬肉 250g 大蘑菇 4 隻 大地魚粉適量
調味料 : 生抽 2 湯匙 糖 1 茶匙 生粉 1 茶匙
胡椒粉, 麻油, 少許 水 適量
免治豬肉加入調味料同大地魚粉打成膠，
再加入麥皮拌勻。
大蘑菇拍上適量生粉，
釀入免治豬肉.
先將豬肉那面煎至金黄色，
再煎大蘑菇底都，
將火較至最細，
然後上蓋將大蘑菇完全煮熟,即成。
我將餘下嘅免治豬肉加入適量嘅蠔油、
生抽、糖、水、生粉、麻油煮成醬汁去配嚟食！
大細豬小姐都話咁樣都好好味。
最緊要就係佢哋鍾意啫！
- Double Iron Legs,
- 圍繩,
- 大地魚粉豬肉釀大蘑菇,
- 烹飪,
- 飲食
咦!你係唔係用手提留言俾我呀?
去邊區會方便D呢???