今朝瞓到六點幾，
對小腿輪流抽筋，
唔知係咪行得太多路呢？
家陣仲隱隱痛！
2011 年 7 月 25 日 （一）
朝早同兩個豬小姐去覆診，
睇完中醫就去探 Ho-ma，
佢見到兩個孫就 HAPPY 晒，
當大豬小姐拎啲 DIY 朱古力曲奇餅過佢食，
佢就笑到見牙唔見眼！
兩點鐘我哋就同佢去飲下午茶！
歎完下午茶，
我哋三母女重陪佢玩咗一陣間麻雀添！
不過，
兩個豬小姐打得實在太慢，
所以我最後都係投降，
之後仲俾睡魔急 Call 咗去添！
瞓醒就出發去大尾督朋友家火鍋聚會，
朋友廚藝超卓，
佢自家製嘅豬手海鮮煲，
真係食過難忘，
街外嘅係無得比！
所以每次返港必定要食！
炸魚皮就梗加令人回味，
知我哋唔食芫茜蔥就另上，
佢知道大豬小姐咳，
唔可以食火鍋，
更貼心為佢泡製魚蛋魚片頭烏冬！
大家更無所不談，
直至十一點幾先打道回府！
- Double Iron Legs,
- 綜合,
- 豬手海鮮煲,
- 飲食,
- 香港
材料豐富又够正！