"聖祖德" 吹襲英國

英國呢幾日打風，

真係百年都無嘅事都會發生，

地球先生真係病咗喇 !

 

我哋一定要好好愛惜呢個地球喇 !

 

上星期六 (26 / 10 ) 夜晚放工就已經覺得大風咗;

不過就無落出大雨，

只係間中落吓細雨，

但係就好似陰霾密佈咁，

令人唔多想出街 !

  

所以為安全計，

我都係將後園嘅花架搬番入車房，

費事出岔子 !

 

點知到咗星期日 ( 27 / 10 ) 朝早又放晴，

雖然 D 風都無停過咁吹，

即係好似香港一號風球咁啫 !

  

到咗入黑就開始風起雲湧喇，

陣陣大雨都落出嚕 !

  

我哋唯有閂好晒 D 門窗，

以免雨水吹入屋 !

  

其實我屋企係位處山腰，

所以都唔怕水浸，

只係要做好防禦措施啫 !

 

一夜無話 !

( 其實係我懶瞓 ! )

 

星期一 ( 28 / 10 ) 朝早載細豬小姐去返工，

先發現街道外面就好似打完十號風球咁亂，

周圍怖滿斷嘅樹枝，

街道水浸。

 

好彩係學校假期，

未致於大塞車兼且影響唔算大 !

 

真係萬幸 ! 

 

***多謝各方好友關心，呢個風 (聖祖德）係由威爾斯南部吹過嚟，天氣圖表示 D 風是由西南部吹上東北部，主要係影響航班；所以對我呢豎做成嘅影響唔係太大 ! ***