今朝做 o左個朱古力雪芳蛋糕去返學當茶點!
但又唔記得影相!
同學同老師都話好食喎!
(可能冇得揀 o者!)
放學後同朋友去掃貨!
放學後同朋友去掃貨!
去到健康食品店 Holland & Barrwtt 後,
見到有 D 貨可以加 1P 就買多一件!
其實真係好抵!
咁就買 o左 "魚肝油丸" 同 "紅梅乾"!
去到 Sainsbury's 見有小棠菜賣!
所以今晚就煮菜飯.
好耐都冇食過欖菜肉碎炒青豆角粒!
我 o既做法如下 :-
我 o既做法如下 :-
1. 青豆角洗淨切粗粒備用
2. 豬肉碎用生油, 豆粉, 糖, 麻油 & 少許水略醃備用
3. 燒熱鑊加少許油爆香欖菜及蒜茸後,
再落青豆角粒 & 加適量 o既鹽略炒
4. 將半碗水加進巳醃 o既豬肉碎中拌均勻後, 隨即加進青
豆角粒中快手炒散, 然後上蓋收細火煮焗 2 - 3 分鐘, 待
水份收乾就可上碟.
大細女豬都愛食呢款青豆粒撈飯!!
細女豬隻右小腿仲有 D 痛!
放學後又要幫佢搽葯同按摩!
係呀!非常好呀!